Stadt: München

Frist: 2014-12-01

Beginn: 2015-07-06

Ende: 2015-07-08

URL: http://revistadoc.com/?page_id=507

La setena edicion de l’Obrador de Lingüistica Occitana se debanarà a Munic del 6 al 8 de julh de 2015.

L’Obrador es dubèrt a totes los que vòlon intervenir sus una question de lingüistica occitana (lexic, sintaxi, morfologia, fonologia, dialectologia, sociolingüistica…) tant en sincronia coma en diacronia. Cap de tèma i es pas impausat. Los apròchis comparatius son possibles. Aquel encontre pòt èsser l’escasença de presentar un trabalh acabat o en cors d’elaboracion.

Se prevei un temps de 30 minutas per cada comunicacion (20 minutas per la presentacion + 10 minutas de discussion). Las lengas de comunicacion seràn l’occitan, una autra lenga romanica o l’anglés.

La participacion al collòqui se fa a res-non-còst, mas es obligatòri de venir sòci de l’associacion. L’escotisson per un an es de 15€ e se poirà pagar sus plaça en espècias.

Las personas interessadas devon mandar per corrièr electronic a l’organizaira (daniela.mueller@phonetik.uni-muenchen.de) una proposicion de comunicacion acompanhada d’un resumit d’una pagina (document pdf) en dos exemplars, un dels dos anonim, abans lo 1r de decembre de 2014. Seràn assabentadas de l’acceptacion o del refús abans lo 1r de febrièr de 2015.

Es possible que se cobriscan los còsts de viatge per los que las contribucions seràn acceptadas coma presentacions (demandas de finançament en cors).

Los actes de l’Obrador se publicaràn en linha/en accès liure dins la revista “Lingüistica Occitana” (revistadoc.com).

Datas importantas:
Data-limita per mandar de resumits: 1er de decembre de 2014
Notificacion d’acceptacion o de refús: 1er de febrièr de 2015
Obrador: 6 – 8 de julh de 2015

Comitat Scientific
María Carmen Alén Garabato (Université Paul-Valéry Montpellier 3)
Eduardo Blasco Ferrer (Università di Cagliari)
Jean-Claude Bouvier (Université de Provence 1 – Aix-Marseille)
Aitor Carrera (Universitat de Lleida)
Marie-Anne Châteaureynaud (ESPE Université Montesquieu Bordeaux 4)
James Costa (Universitet i Oslo)
Pierre Escudé (Université de Toulouse)
Louise Esher (University of Oxford)
Thomas Field (University of Maryland, Baltimore County)
Martin Haase (Universität Bamberg)
Aurélie Joubert (University of Manchester)
Kathryn Klingebiel (University of Hawai’i at Manoa)
Georg Kremnitz (Universität Wien)
Xavier Lamuela (Universitat de Girona)
Hervé Lieutard (Université Paul-Valéry Montpellier 3)
Rosa María Medina Granda (Universidad de Oviedo)
Trudel Meisenburg (Universität Osnabrück)
Claus-Dieter Pusch (Albert-Ludwigs-Universität Freiburg)
Nicolas Quint (CNRS, INALCO)
Matteo Rivoira (Università degli Studi di Torino)
Patric Sauzet (Université de Toulouse)
Joan Sibille (Université de Toulouse)
Jordi Suïls Subirà (Universitat de Lleida)
Barbara Wehr (Universität Mainz)
Jakob Wüest (Universität Zürich)

Beitrag von: Daniela Müller

Redaktion: Reto Zöllner